Алга, Кыргызстан! Ырчы Сыймык Бейшекеев Олимпиада оюндарына бараткан спортчулардын ысымдарын обонго салды (видео)

Кыргыз Эл артисти Сыймык Бейшекеев Олимпиада оюндарына бара жаткан спортчулардын атын кошуп дем берүүчү ыр жазды. Бул тууралуу ал бүгүн, 22-июлда Инстаграм баракчасына жарыялады.

"Олимп оюндарына намыс талашууга бараткан 16 спортчубуздун баарына ийгилик каалайм. Жүрөгүмдөгү тилек-батама ар биринин атын кошуп, ырга салдым, аман-эсен барып жеңиш менен келгиле, баатырлар! Кийинки ырыбызды Назима экөөбүз силердин жеңишиңерди даңктап жазалы.

Буюрса, ырдын даяр болоруна аз калды. Спортчу жигит-кыздарга дем болсун, мыкты клипмейкер, видеографтар келгиле, баатырларыбызга дем бере турган тасма даярдайлы. Баарыңардан сунуш күтөм", - деп жазган Сыймык Бейшекеев.

Белгилей кетсек, Франциянын борбору Париждеги оюндар 26-июлдан 11-августка чейин өткөрүлөт.