ӨКМ сел жүрүшү мүмкүн болгон аймактардын тизмесин жарыя кылды

Кыргызгидрмет билдиргендей, 30-июлдан 31-июлга чейин күтүлүп жаткан нөшөрлүү жаан-чачынга байланыштуу өлкөнүн тоолуу жана тоо этектериндеги райондорунда сел жүрүшү ыктымал. Буга байланыштуу ӨКМ сел таш кулоо мүмкүн болгон аймактардын тизмесин жарыялады.

Баткен облусунун Баткен, Лейлек, Кадамжай райондорунда,
Жалал-Абад облусунун Сузак, Базар-Коргон, Ноокен, Аксы, Ала-Бука, Чаткал, Токтогул, Тогуз-Торо райондорунда,
Ош облусунун Ноокат, Алай, Чоң-Алай, Кара-Кулжа, Өзгөн, Араван жана Кара-Суу райондорунда,
Ысык-Көл облусунун Ак-Суу, Жети-Өгүз, Ысык-Көл, Түп жана Тоң райондорунда,
Чүй облусунун Жайыл, Москва, Сокулук, Аламүдүн, Ысык-Ата, Чүй жана Кемин райондорунда,
Нарын облусунун Жумгал, Ат-Башы, Ак-Талаа, Кочкор райондорунда,
Талас облусунун Кара-Буура, Бакай-Ата, Манас жана Талас райондорунун аймактарында сел жүрүшү жана унаа жолдордо таш кулоо процесстердин активдешүүсүнө алып келиши мүмкүн.

Ал эми өлкөнүн унаа жолдоруна кооптуу болгон сел жана таш кулоо участкаларында, айрыкча:

Бишкек-Ош унаа жолунун 285, 342-348, 358-362, 400, 411-426-чакырымдарында;
Ош-Сары-Таш-Иркештам унаа жолунун 64-65, 68-70, 78-80, 100, 106, 121-124, 133-чакырымдарында;
Бишкек-Балыкчы (Боом капчыгайы) унаа жолунун 112-128-чакырымдарында;
Балыкчы-Бөкөнбаев унаа жолунун 64-117-чакырымдарында;
Талды-Суу-Арал унаа жолунун 4-5-чакырымдарында;
Ош-Исфана унаа жолунун 64-78, 125-138, 149-190-чакырымдарында;
Мырзаке-Кара-Шоро унаа жолунун 18-28, 32-37, 44-56-чакырымдарында;
Кербен-Ала-Бука-Каныш-Кыя унаа жолунун 2-4, 12-13, 22-24-чакырымдарында сел жана таш кулоо процесстери активдешүүсү мүмкүн.

Министрлик жарандарды жана айдоочуларды этият болууга жана коопсуздук чараларын сактоого чакырат.

"Кырсыкка кабылганда "112" кызматына токтоосуз билдириңиз. Чалуу күнү-түнү кабыл алынат жана акысыз" деп билдиришти ӨКМден.

Автор: Айжанар Рыспек кызы
Фото: Интернеттен алынды