Кыргызстан Франция менен медицина тармагында кызматташат

Бүгүн, 9-августта Саламаттык сактоо министри Алымкадыр Бейшеналиев Францияга болгон иш сапарынын алкагында саламаттык сактоо министринин эл аралык кызматташтык боюнча орун басары Сен-Дени мырза менен жолугушту. Бул туурасында мекеменин маалымат кызматы кабарлады.

Маалымдалгандай, жолугушуунун жүрүшүндө эки тараптуу кызматташуунун негизги багыттарын талкуулашкан.

“Негизги көңүл Эл аралык саламаттыкты сактоо эрежелерин ишке ашыруу, ден соолук коопсуздугун жана өзгөчө кырдаалдарга даярдыкты камсыздоо, иммунизациялоо программалары жана пандемия менен күрөшүү, медициналык реабилитация, эне жана баланын ден соолугуна кам көрүү, саламаттыкты сактоо тармагындагы инновациялар, анын ичинде санариптештирүү, ошондой эле инвестициялык долбоорлор жана медициналык билим берүү маселелерине бурулду”, - деп кошумчаланган маалыматта.

Автор: Замира Ниязбекова