Бишкек жана Ош шаарларынын мэрлери 15-январда шайланат

Бишкек жана Ош шаарынын мэрлерин шайлоо 15-январга белгиленди. Бул тууралуу бүгүн, 26-декабрда Борбордук шайлоо комиссиясынын кезектеги жыйынында айтылды.

Эске сала кетсек, Бишкек шаарынын мэри Иса Өмүркулов 4-декабрда отставкага кеткен. Ал эми Ош шаарынын мэринин милдетин аткаруучу Мелис Мырзакматов 5-декабрда кызматынан алынган.

“Бишкек шаарынын статусу жөнүндө” жана “Ош шаарынын статусу жөнүндө” мыйзамга ылайык мэрлерди шаардык кеңештин депутаттары шайлашат.

Автор: Бекжан Рыскулов