Өкмөт жооп берет: 4 балам бар. Мен көп балалуу эне катары эсептелемби?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - 4 балам бар. Мен көп балалуу эне болуп эсептелемби? Суроо калтырган Christina

Жооп: - Кыргыз Республикасынын Мыйзамына ылайык, 9-берененин негизинде 5 жана андан көп бала төрөгөн, аларды 8 жашка чейин тарбиялап чоңойткон аялдар 53 жашка толгондо жана 15 жыл камсыздандыруу иш стажы болгондо пенсияга чыга алышат. Ал эми жалпы негиздерде, тактап айтканда, Бишкек шаарында 4 балалуу эне катары пенсияга 58 жашка толгон куракта жана 20 жылдык стаж менен толук пенсия алууга укуктуу. Кыргыз Республикасында мыйзамдын негизинде “Баатыр эне” ордени менен жети же андан көп балдары бар жана аларды бапестеп багып, тарбиялаган энелер сыйланышат. Азыркы тапта аларга карата 1000 сом кошумча каражат катары төлөнөт.

Суроого КРнын Социалдык фондунун басма сөз бөлүмүнүн кызматкери Нурбек Жанарбекович жооп берди.

Эгер сизде да суроолор болсо, анда "Өкмөт жооп берет" бөлүмүнө кириңиз.

Автор: Дамира Арстанова