УКМК депутат Молдобекованын иш бөлмөсүн тинтүүгө алганы айтылууда

Бүгүн, 12-сентябрда Жогорку Кеңештин депутаты Гүлкан Молдобекованын иш бөлмөсү тинтүүгө алынып жатканы кабарланды. Тинтүүгө алгандар УКМКнын кызматкерлери экени айтылууда. Атайын кызмат бул тууралуу маалымат бере элек.

Айрым ЖМКлар Молдобекованыкы делген иш бөлмө тинтилип жатканы тартылган жана бир эркек кишини күч органынын кызматкерлери сүйрөп бараткан видеолорду бөлүштү. Ошондой эле депутаттын эки жардамчысы кармалганын маалымдашты.

Эл өкүлүнүн иш бөлмөсү эмне себептен тинтүүгө алынып жатканы белгисиз, өзү менен байланышууга мүмкүн болгон жок.

Парламенттеги "Альянс" фракциясынын депутаты Гүлкан Молдобекова кечээ төрага Нурланбек Шакиев баштаган делегация менен Өзбекстанга кеткен.

Автор: Бек Оморбеков