Жанар Акаев фракциялашы Гүлкан Молдобекованын иш бөлмөсүнүн тинтүүгө алынышы боюнча үн катты

Бүгүн, 12-сентябрдагы Жогорку Кеңештин жыйынында "Альянс" фракциясынын төрагасы Жанар Акаев депутат Гүлкан Молдобекованын иш бөлмөсүнүн тинтүүгө алынышы тууралуу комментарий берди.

Ал тинтүү кесиптеши Молдобековага тиешелүү эмес экенин айтты.

"Бүт маалымат каражаттарында "Альянс" фракциясынын мүчөсү, депутат Гүлкан Молдобекованын иш бөлмөсүн тинтүү болуп жатат" деген кабар чыгып кетти. Ошондуктан бул боюнча маалымат берип коёюн деп чечтим. Ал такыр башка маселе боюнча, Молдобекованын өзү жөнүндө эч кандай маселе жок. Өзү азыр төрага менен Өзбекстанда расмий иш сапарда жүрөт", - деди Акаев.

Буга чейин УКМК тарабынан Гүлкан Молдобекованын иш бөлмөсү тинтүүгө алынып жатканы кабарланган.