Кыргызстандын элчиси тажик маданий ишмерлери менен жолугушту

Кыргызстандын Тажикстандагы элчиси Урмат Саралаев Тажикстандын адабият, маданият жана искусство ишмерлери менен жолугушту. Бул тууралуу бүгүн, 27-декабрда КРнын Тышкы иштер министрлигинин басма сөз кызматы маалымдады.

Жолугушуу маалында элчи Кыргызстандагы 2013-жылдагы жагдай, маданият жана туризм жаатындагы жетишкендиктер, кыргыз-тажик алакасынын абалы тууралуу маалымат берди. Ошондой эле Чыңгыз Айтматовдун чыгармалары жана анын чыгармаларынын негизинде тартылган тасмалар тууралуу дагы пикир алышуу болду.

Мындан сырткары катышуучулар 2013-жылы өткөрүлгөн иш-чаралар жана келечектеги пландар тууралуу да сөз кылышты.

Автор: Дамира Арстанова