Дмитрий Медведев кыргыз элин жана Алмазбек Атамбаевди Жаңы жылы менен куттуктады

Орусия Федерациясынын өкмөтүнүн төрагасы Дмитрий Медведев кыргыз элин жана Алмазбек Атамбаевди Жаңы жылы менен куттуктады. Бул тууралуу 30-декабрда КРнын Президентинин басма сөз кызматы билдирди. Куттуктоодо “Урматтуу Алмазбек Шаршенович, чын жүрөгүмдөн Жаңы жылыңыз менен куттуктайм! Узап бара жаткан жыл Орусия менен Кыргызстандын өнөктөштүк мамилелерин мындан ары чыңдоого, соода-экономикалык, илимий-техникалык, гуманитардык жана башка тармактарда жемиштүү кызматташууну өнүктүрүүгө эки тараптан тең умтулуусун ырастады.

2014-жылы биргелешкен масштабдуу долбоорлорду ишке ашыруу улантыларына ишенем. Өлкөлөрүбүздүн элдеринин кызыкчылыктары үчүн көп пландуу өз ара пайдалуу кызматташууда жаңы чектерге жетишебиз. Сизге чың ден соолук, бакыт-таалай жана мамлекеттик ишмердигиңизге жаңы ийгиликтерди, ал эми Кыргызстандын бардык жарандарына тынчтыкты жана өнүгүүнү каалайм!" деп айтылат.

Автор: Айпери Ганыжан кызы