Пекинде Борбор Азия мамлекеттеринин парламент депутаттарынын катышуусунда симпозиум өттү

Жогорку Кеңештин депутаттары Айсаракан Абдибаева, Гуля Кожокулова, Султанбай Айжигитов жана Бактыяр Калпаев Кытай Эл Республикасына иш сапарынын алкагында Пекин шаарында Борбор Азия мамлекеттеринин парламент депутаттарынын катышуусу менен өткөн Кытай Коммунистик партиясынын 3 күндүк симпозиумуна катышты. Бул туурасында бүгүн, 28-октябрда парламенттин басма сөз кызматы билдирди.

Маалымдалгандай, иш-чаранын жүрүшүндө тараптар кыргыз-кытай кызматташтыгынын учурдагы абалы боюнча пикир алмашкан.

“Парламенттер аралык жана партиялар аралык кызматташтыкты өнүктүрүү маселелери талкууланды. Муну менен катар парламенттер жана партиялар ортосундагы тыгыз алака калыптанган кызматташтыкты кеңейтүүдө өзгөчө мааниге ээ экенин билдирип, өнөктөштүктү өрчүтүүгө багытталган сунуштары менен бөлүшүштү”, - деп айтылат маалыматта.

Автор: Замира Ниязбекова