Казакстандын парламентинин мажилисинин төрагасы Кыргызстанга расмий сапар менен келди

Бүгүн, 31-октябрда Казакстандын парламентинин мажилисинин төрагасы Ерлан Кошанов Кыргызстанга расмий сапар менен келди. Бул тууралуу Жогорку Кеңештин басма сөз кызматынан билдирди.

Маалыматка ылайык, сыйлуу конокту "Манас" эл аралык аэропортунан Жогорку Кеңештин төрагасынын орун басары Нурбек Сыдыгалиев жана Казакстан менен кызматташтык боюнча депутаттык достук тобунун жетекчиси Кундузбек Сулайманов тосуп алды.

Расмий иш сапардын алкагында жогорку деңгээлдеги бир катар жолугушуулар өткөрүлүп, анын ичинен төрага Нурланбек Шакиев менен мажилис төрагасы Ерлан Кошанов тар жана кеңейтилген курамда сүйлөшүүлөрдү жүргүзөт.

Мындан тышкары тараптар парламенттер аралык кызматташтык боюнча кеңештин отурумуна катышат.

Автор: Айпери Бакталбек кызы
Фото: Жогорку Кеңештин басма сөз кызматы