Венгриянын өкмөт башчысына "Түрк дүйнөсүнүн жогорку ордени" ыйгарылды (видео)

Бүгүн, 6-ноябрда Бишкекте өтүп жаткан Түрк мамлекеттер уюмунун саммитинин алкагында Венгриянын премьер-министри Виктор Орбанга "Түрк дүйнөсүнүн жогорку ордени" ыйгарылды.

Сыйлыкты президент Садыр Жапаров тапшырды.

“Орбан мырзага Түрк мамлекеттер уюмуна мүчө өлкөлөрдүн жана байкоочулардын ортосундагы мамилелердин өнүгүшүнө ошондой эле эл аралык аренада ТМУнун кадыр-баркын жогорулатууга өбөлгө түзгөн өзгөчө өрнөгү үчүн "Түрк дүйнөсүнүн жогорку ордени" тапшырылат” деди сыйлык тапшырган өлкө башчы.