Москвада учкучсуз учактын чабуулунан эки адам жаракат алды (видео)

Москва облусунда учкучсуз учактын чабуулунан эки адам жаракат алды. Бул тууралуу орус басылмалары жазышууда.

Буга чейин Раменский районунун Становое айылындагы жеке турак үйдүн үстүнө пилотсуз учактын сыныктары түшүп, анын кесепетинен өрт чыккан.

Андан соң өрт башка аймакка да жайылган. Жеринде тез жардам кызматы иштеп, жабыркагандарга медициналык жардам көрсөтүлүүдө.

Белгилей кетсек, буга чейин Москвага учкучсуз учактардын учурулуп жаткандыгына байланыштуу "Домодедово" жана "Жуковский" аэропортторунда аба каттамдар токтотулгандыгы маалым болгон.

Андан соң мэр Собянин Москваны көздөй учкан 25 учкучсуз учак Москва облусунда абадан коргонуу күчтөрү тарабынан жок кылынганын маалымдаган.