Жергиликтүү кеңешке шайлоо: Саат 20:00гө карата 27,83 пайыз гана шайлоочу катышты

Борбордук шайлоо комиссиясы саат 20:00гө карата шайлоо участкаларында шайлоочулардын катышуусу боюнча маалымат берди.

Азырынча өлкө боюнча 1 миллион 150 миң 931 жаран шайлоого катышты. Бул көрсөткүч жалпы шайлоочулардын 27,83 пайызын түзөт.

Алардын ичинен шаардык кеңештин депутаттарына 392 миң 844 жаран добуш берген. Башкача айтканда 1 миллион 620 миң 243 шайлоочунун 24,25 пайызы катышты.

Ал эми азырынча айылдык кеңештин эл өкүлдөрүн шайлоого 758 миң 87 жаран барган. Жалпы 2 миллион 514 миң 796 шайлоочунун 30,15 пайызын түзөт.

Айта кетсек, Ысык-Көл обусундагы ки шайлоо участкаларында техникалык себептерден улам шайлоо мөөнөтү узартылган. Калган шайлоо участкалары саат 20:00дө өз ишин токтотту.

Белгилей кетсек, өлкө боюнча жалпы 2437 добуш берүү участкасы бар. Кыргызстандыктар 33 шаардык кеңеште 993 депутаттарды жана 231 айылдык кеңеште 5391 эл өкүлдөрүн шайлашат. Шаардык кеңештердин депутаттарын шайлоого 39 саясий партия катышып, 4822 талапкерди көрсөткөн. Ал эми айылдык кеңештерге 9 996 талапкер катталган.

Шайлоочулардын жалпы саны 4 миллион 135 миң 39ду түзөт.

Автор: Замира Ниязбекова