“Замандаш-Современник” партиясы Бишкек мэрлигине талапкер сунуштайт

“Замандаш-Современник” фракциясы Бишкек шаарынын мэрлигине талапкер сунуштайт. Муну аталган партиядан бүгүн, 6-январда билдиришти. “Жакында фракциянын жыйыны өтүп, бул маселе каралат”,- деп билдиришти партиянын маалымат кызматынан. Бишкек мэрлигине Таалайбек Сагынов (сүрөттөгү, учурда шаардык кеңеште аталган фракциянын лидери) сунушталары айтылууда.

Айта кетсек, Бишкек жана Ош шаарларынын мэрлерин шайлоо 15-январда өтөт.

Автор: Автандил Добулбеков