Колдонууга берилгенден кийин жабылган Өзгөн айланма жолу иштей баштады (видео)

Ош облусунундагы Өзгөн шаарын айланып өтүүчү жол иштеп баштады. Бул туурасында облустук жетекчиликтен маалымдашты.

"Жаңы бүткөн Өзгөн айланма жолу кызмат көрсөтүп баштады. Бул жол – каалоочулар үчүн шаарга кирбей өтүп кетүүгө альтернативдик жол катарында инвесторлор тарабынан курулган. Мындай жолдор өнүккөн өлкөлөрдө колдонулат, Кыргызстанда биринчи жолу практикаланууда", - деп белгиленген маалыматта.

Мурда айтылгандай, айланма жол жеке инвесторлор тарабынан салынып, өлкөдөгү акы төлөнүүчү алгачкы жол болуп саналат.

- Жеңил унаалар үчүн – 200 сом;

- Жүк ташуучу унаалар жана автобустар үчүн – 350 сом;

- Оор жүк ташуучу унааларга – 700 сом.

Белгилей кетсек, аталган жолдун ачылышына президент Садыр Жапаров катышкан. Ачылышынан көп өтпөй жабылып, анын себеби айтылган.