Кыргызстан дүйнөдөгү мыкты туристтик өлкөлөрдүн рейтингинде 3-орунда жайгашты

Кыргызстан мыкты туристтик өлкөлөрдүн рейтингинде 3-орунга ээ болду. Бул тууралуу Globe Spots интернет-порталы жазып чыкты.

Эксперттердин ою боюнча, өлкөнүн мындай тепкичке көтөрүлүшүнө анын 44 мамлекетте визасыз тартипти орноткондугу себеп болгон.

Маалыматка таянсак, 2013-жылы Кыргызстанга 3 миллион 89 миң турист келген. Митинг, пикеттерге карабастан туристтер Ысык-Көлгө, Ала-Арча капчыгайына эс алганы көп келишет.

Globe Spots интернет-порталынын рейтингинде 1-орунда Португалия, 2-орунда Мозамбик, 3-орунда Кыргызстан, андан кийинки орундарды Панама, Армения, Куба, Украина, Малави, Канада ээлеген. Таң калычтуусу, орусиялык жана кыргызстандык туристтер баалаган Түркиянын алдынкы 10 мыкты туристтик өлкөлөрдүн рейтингине кирбей калышы.

Автор: Нургазы Аматов