Трамптын инаугурациясына бир күн калганда АКШда TikTok бөгөттөлдү

АКШдагы TikTok колдонуучулары колдонмо бөгөттөлгөндүгүн билдиришти. Алар социалдык тармакка кирүүгө аракет кылганда, Вашингтон кабыл алган мыйзамга байланыштуу "учурда платформаны колдоно албайсыз" деген билдирүүнү көрүшкөн. Бул тууралуу чет элдик басылмалар жазышты.

Тиркемеге тыюу салуу бүгүн, кызматтан кетип жаткан президент Жо Байден кол койгондон кийин бүгүн, 19-январда күчүнө кирген.

"АКШ TikTok'ко тыюу салган мыйзамды кабыл алды. Тилекке каршы, бул сиз TikTokту азыр колдоно албайсыз дегенди билдирет", - деп айтылат колдонмодо.

Колдонмо мындан ары Apple App Store дүкөнүндө көрүнбөйт.

Эске салсак, АКШнын жаңы шайланган президенти Дональд Трамп буга чейин Кытайдын төрагасы Си Цзиньпин менен телефон аркылуу сүйлөшкөн. Анда АКШдагы TikTok маселеси менен болгон кырдаалды талкуулаган.

Автор: Азат Бейшенбеков