Жусупбек Шарипов: "Арабиялык 5 ири донорлор менен тегерек стол өткөрүү сунушталды"

Кыргызстандык дипломаттар арабиялык ири фонддор (Сауд жана Абу-Дабий өнүктүрүү фонду, Ислам өнүктүрүү банкы, Кувейт экономикалык өнүктүрүү жана ОПЕК фонду) менен экинчи тегерек стол өткөрүүнү сунушташты. Бул тууралуу бүгүн, 8-январда Кыргызстандын Сауд Арабиядагы элчиси Жусупбек Шарипов билдирди.

Анын айтымында, 2009-жылы Кыргызстандын элчилиги Арабияда биринчи тегерек стол өткөргөн жана анда 672 миллион долларлык долбоор кабыл алынган. Анын ичинде Бишкек-Нарын-Торугарт жан Тараз-Талас-Суусамыр унаа жолдорун оңдоо да каралган.

“Кыргызстан экинчи тегерек столду өткөрүү тууралуу арыз берди. Эртең фонддордун өкүлдөрү карап, жооп беришет”,- деди Жусупбек Шарипов.

Автор: Айпери Ганыжан кызы