Сигма Алматадагы бокс боюнча мелдеште орус блогери менен күч сынашат (видео)

Сигма каймана аты менен белгилүү болгон кыргыз блогери Арген Керимов All Stars Boxing турниринин алкагында орусиялык блогер Дани Милохин менен күч сынашат.

Алардын беттеши 6-июнда “Алмата Аренада” орун алат. Эки блогердин бокс мелдешинин алдындагы көз караштар таймашы кечээ, 28-февралда өткөн.

Милохин 2024-жылдын февраль айында бокс боюнча дебют жасаган, Дубайда өткөн ALPHA FIGHT SERIES турниринде индиялык блогер Ажмал Ханды биринчи раундда нокаут менен жеңген.

Эске салсак, Милохин 2023-жылы Орусиядан Дубайга “аскерге чакыруу бериш керек” деген билдирүүдөн кийин чыгып кеткен.