Касымалиевдин Тажикстанга сапары соңуна чыкты. Анда эмне кеп болду?

Министрлер кабинетинин төрагасы Адылбек Касымалиевдин Тажикстанга болгон бир күндүк иш сапары аяктады. Өкмөттүн басма сөз кызматынан билдиргендей, сапардын алкагында Касымалиев Тажикстандын премьер-министри Кохир Расулзода менен жолугушуп, соода-экономикалык, энергетикалык, маданий-гуманитардык жана башка тармактарда эки тараптуу кызматташуунун маанилүү маселелерин талкуулады.

Ошондой эле ал Рогун гидроэлектростанциясына барды, анда ал Кыргызстанда "Камбар-Ата-1" ГЭСин куруу долбоорун ишке ашыруу контекстинде масштабдуу гидроэнергетикалык объектти куруу тажрыйбасы менен таанышты.

Сапардын жыйынтыгы боюнча тараптар жетишилген макулдашууларга канааттангандыгын билдирип, Кыргызстан менен Тажикстандын ортосундагы өз ара пайдалуу өнөктөштүктү мындан ары чыңдоого даярдыгын ырасташты.

Автор: Бек Оморбеков
Фото: Министрлер кабинетинин басма сөз кызматы