Конор Макгрегор Дональд Трамп менен Ак үйдө жолукту (видео)

Жеңил салмактагы UFC уюмунун мурдагы чемпиону, ирландиялык мушкер Конор Макгрегор АКШ президенти Дональд Трамп менен Ак үйдө жолугуп, кол алышып учурашты.

Алардын жолугушуусу жыл сайын 17-мартта, Ирландияда белгиленүүчү Ыйык Патрик күнүнө карата уюштурулган.

Макгрегор администрациянын башка мүчөлөрү менен да жолугуп, Ирландиянын азыркы өкмөтүн сынга алган сөз сүйлөгөн.

Конор Макгрегор 36 жашта. Ирландиялык мушкер 2021-жылдын июль айында UFC 264 турниринде америкалык Дастин Порьеге биринчи раундда техникалык нокаут менен жеңилгенден бери октагонго чыга элек. Жалпысынан анын профессионалдык рекорду – 22 жеңиш жана 6 жеңилүү.