Баткен. Кадамжай шаарынын мэри Асанбай Пазылов кызматынан бошотулду

Кадамжай шаарынын мэри Асанбай Пазылов кызматынан бошотулду. Тиешелүү буйрукка өкмөт башчы Жантөрө Сатыбалдиев кол койгон. Бул тууралуу бүгүн,10-январда Кадамжай шаардык мэриясынан билдиришти.

Өткөн жылдын декабрь айында Кадамжай шаардык кеңешинин 21 депутатынын 14ү шаар мэри Асанбай Пазыловго ишенбөөчүлүк көрсөткөн. Алар Пазылов тарабынан бир нече мыйзамсыз иш-аракеттердин жасалганын айтышкан.

Белгилей кетсек, Асанбай Пазылов 2013-жылдын 29-январында Баткен облусунун Кадамжай шаардык кеңешинин депутаттары тарабынан мэр болуп дайындалган.

Автор: Аксана Паизова