Рим папасы Францискти акыркы сапарга узатуу зыйнатына 200 миң киши катышты

26-апрелде Ватикандагы Ыйык Петр аянтына Рим папасы Франциск менен коштошуу үчүн 200 миң киши чогулду. Анын сөөгү Римдеги Санта-Мария Маджоре чиркөөсүндө коюлат.

88 жашында каза болгон Рим папасы Францискти акыркы сапарга узатуу зыйнатына Британиянын ханзаадасы Уильям, АКШ жана Украинанын президенттери Дональд Трамп менен Владимир Зеленский келген. Трамп Римге жубайы Мелания менен келген. Мындан тышкары Франциянын президенти Эммануэль Макрон менен Финляндиянын лидери Александр Стубб да келишти.

Ватикандын маалыматы боюнча, Францискти акыркы сапарга узатуу зыйнатына кеминде 130 өлкөнүн жана эл аралык уюмдардын делегациялары, анын ичинде 55 мамлекет башчысы катышты.

Орусия Маданият министри Ольга Любимованы Римге жөнөттү, ал эми Израилди элчи Ярон Зейдман көрсөтөт.

Нетаньяху Израил менен Ватикан ортосундагы, өзгөчө Газадагы согушка байланыштуу чыңалуудан улам Папаны акыркы сапарга узатуу зыйнатына сапарын токтотту.

Автор: Замира Ниязбекова