Эверестти багындырган Рысгүл Акимжанова мекенине кайтып келди (фото, видео)

Эверестти багындырган жеке ишкер, альпинист Рысгүл Акимжанова өлкөгө кайтып келди. Аны "Манас" эл аралык аэропортунан жакындары, санаалаштары салтанаттуу тосуп алышты.

Айта кетсек, Акимжанова 27-майда дүйнөнүн эң бийик тоосу — Эвересттин чокусуна (8848 метр) ийгиликтүү чыгып, Кыргызстандын туусун желбиретти. Муну менен ал Кыргызстандын тарыхында Эверестти багындырган экинчи кыргыз айымы болуп калды.

Эске салсак, 11-майда Эверестти Кыргызстандын тарыхында айымдардын ичинен биринчи болуп альпинист Асел Байбагышева багындырган.