Масктын компаниясы менен кызматташуудан баш тартуу Пентагон үчүн көйгөйлөрдү жаратат

АКШнын мамлекеттик мекемелеринин миллиардер Илон Масктын SpaceX компаниясы менен кызматташуудан баш тартуусу АКШнын улуттук коопсуздугуна, анын ичинде ракетадан коргонуу жана чалгындоо тутумуна олуттуу кесепеттерди алып келиши мүмкүн.

The War Zone басылмасы белгилегендей, Пентагон чалгындоо, байланыш спутниктерин учуруу жана АКШ президенти Дональд Трамп тарабынан коюлган "Алтын купол" ракетадан коргонуу системасын өнүктүрүү боюнча компанияга абдан көз каранды.

Бир күн мурун Трамп Маск менен бюджеттик маселелер боюнча өз ара айыптоолорго байланыштуу талаш-тартыштын шартында мамлекеттик субсидияларды жокко чыгарууга жана Масктын компаниясы менен космоско учууга мамлекеттик келишимдерди бузууга уруксат берген.

SpaceX – дүйнөдөгү эң ири аэрокосмостук компания. Анын космостук кемелери экипаждарды эл аралык космос станциясына жеткирип, аны камсыздайт.

Басылма SpaceX жети миң спутниктен турган орбиталык топту түзгөнүн жазат. Бул адамдарды планетанын дээрлик бардык бурчтарында кеңири интернетке кирүү менен камсыз кылууга мүмкүндүк берет. Аталган система Пентагон тарабынан да активдүү колдонулат.

Автор: Кылымбек Бейшеев
Фото: Интернеттен алынды