2013-жылы “Түндүкэлектр” ААКы электр энергиясынын төлөмдөрүнөн 4,2 миллиард сом чогултту

“Түндүкэлектр” ААКынын басма сөз кызматынын бүгүн, 14-январда берген маалыматына ылайык, 2013-жылы электр энергия үчүн чогултулган каражаттын көлөмү 4 миллиард 181 миллион сомду түзгөн.

Бул коюлган төлөмдөрдүн 100,6 пайызга аткарылгандыгын түшүндүрөт. 2013-жылы аталган компаниянын товардык продукциясынын көлөмү 4 миллиард 156 миллион сом болгон. 2013-жылы калктан төлөм чогултуу толугу менен аткарылган жана алардын ичинен өнөр жай ишканаларынан – 99,1 пайыз, бюджеттик уюмдардан – 101,5 пайыз, айыл чарба мекемелеринен – 99,2 пайыз жана башка колдонуучулардан – 100,3 пайыз каражат чогултулган.

Аймактар боюнча төлөмдөр:

Бишкек - 100,6 пайыз;

Чүй облусу – 100,8 пайыз;

Талас облусу – 99,7 пайыз.

Электр энергиядагы жоготуулар 2013-жылы 3,6 пайызга кыскарган.

Автор: Айпери Ганыжан кызы