Юрист Эрик Ирыскулбеков: "Талапкерлердин мамлекеттик тил боюнча сынагы кандай ыкмалар, кандай критерийлер менен өткөндүгү белгисиз болуп калды"

«Ош жана Бишкек мэрлигине шайлоодогу мамлекеттик тил боюнча сынагы кандай ыкмалар, кандай критерийлер менен өткөндүгү белгисиз болуп калды» деп билдирди бүгүн, 14-январда «Парламентаризм үчүн» уюмунун ɵкүлү, юрист Эрик Ирыскулбеков.

Анын айтымында, талапкерлердин программалары коомго жарыяланбады. Алар менен мамлекеттик тил комиссиясы гана он мүнɵттүк сынак учурунда таанышышты. Сынак кандай өттү, кандай суроолор берилгендиги белгисиз бойдон калды. Болгону «бул талапкер мамлекеттик тилди мыкты билет» деген факты айтылды. Канча балл алды, билими канчалык деңгээлде экендиги сыр бойдон калды.

Эскерте кетсек, эртең, 15-январда Бишкек мэрлигине Кубанычбек Кулматов, Ош мэрлигине Айтмамат Кадырбаев жана Мелис Мырзакматов ат салышат.

Автор: Нургазы Аматов
Фото: Нургазы Аматов