Трамп шайлоодогу жеңиштеринин урматына атыр чыгарганын жарыялады

АКШнын президенти Дональд Трамп 2016 жана 2024-жылдардагы президенттик шайлоолордогу жеңишине арналган эки атыр чыгарганын жарыялады.

"Атырлар "Жеңиш 45-47" деп аталат. Анткени алар жеңиш, күч жана ийгилик. Жыпар жыт эркектер менен аялдар үчүн",- деп жазган ал Truth Social социалдык тармактагы баракчасында.

Трамп өзүнүн баракчасына атырдын сүрөтүн да жайгаштырды. Таңгак эркектер үчүн кара, айымдар үчүн кызыл түстө берилген. Атырдын бөтөлкөсүндө аты-жөнү жана Трамптын кол тамгасы бар. Бөтөлкөнүн капкагында президенттин алтын жалатылган статуясы да бар.

Жыпар жыттуу каражаттын баасы бир бөтөлкө үчүн 199 доллардан 249 долларга чейин.

Автор: Кылымбек Бейшеев
Фото: Интернеттен алынды