Ош. Шаар мэрин шайлоодо урнага салынган 45 бюллетень алынып чыкты

Ош шаарындагы мэр шайлоодо добуш берүү бүтүп, комиссия мүчөлөрү добуштарды санап чыгышты. Урнага салынган 45 бюллетень саналып, депутаттар каршылыгын билдиришкен жок.

Эске салсак, мэрликке мурдагы шаар башчы Мелис Мырзакматов менен Айтмамат Кадырбаев ат салышууда. Мырзакматовдун талапкерлиги “Улуттар биримдиги” жана Айтмамат Кадырбаев шаардык кеңештеги КСДП, “Ата Мекен”, “Республика”, “Замандаш” жана “Адилеттүү Кыргызстан” фракциялары түзгөн көпчүлүк коалиция тарабынан сунушталган.

Ош шаардык кеңешинде 45 депутат бар. Алардын ичинен 30 депутат катышса, шайлоо өттү деп эсептелет. 23 добуш алган талапкер мэр болот.

Автор: Айпери Ганыжан кызы