Кыргызстандын жаңы гимни 4 мүнөттөн ашпайт

Мамлекеттик гимндин жаңы редакциядагы текстинин жана музыкасынын мыкты долбоорлорун тандоо боюнча мекемелер аралык комиссия тарабынан тандалып алынган 5 мыкты текстке жазылган музыкалардын долбоорлору кабыл алынууда. Бул тууралуу Маданият министрлигинен билдиришти.

Тандалып алынган гимндин беш мыкты текстине жазылган музыкалык чыгармалардын долбоорлору 8-сентябрга чейин кабыл алынат.

Гимндин долбоору 3төн ашык эмес куплеттен жана 1 кайырмадан туруп, 4 мүнөттөн ашпаган узактыкта болууга тийиш. Гимндин долбоорунун кыска варианты аспаптык аткарууда 3 мүнөттөн ашпоого тийиш.

Бардык берилген эмгектер автордук укук менен корголот. Сынактын экинчи этабында ар бир катышуучу долбоордун улуттук гимнинин музыкасынын бир же бир нече вариантын көрсөтө алат.

Автор: Айсулуу Урустамова