Жогорку Кеңеште кыргыз-тажик чек арасындагы кырдаал талкууланууда

Жогорку Кеңештин депутаттары бүгүн, 15-январда өтүп жаткан жабык эшик артындагы жыйында Баткенде кыргыз-тажик чек арасында түзүлгөн кырдаалды талкуулап жатышат. Муну ЖКнын маалымат кызматы билдирди. Депутаттар бул маселе боюнча бүгүн парламенттин чечимин кабыл алышат.

Эске салсак, 11-январь күнү Баткен облусунун Ак-Сай айылындагы чек ара аймагында Кыргызстан менен Тажикстан чек ара кызматкерлеринин ортосунда куралдуу жаңжал чыккан. Атышууда кыргыз тараптан 6 жоокер жарадар болгон.

Автор: Автандил Добулбеков