Тургунбек Кулмурзаев: “Кыргызгаздын” карызы 30 миллион сом эмес, 88,5 миллион сом”

Бүгүн, 16-январда премьер-министр Жантөрө Сатыбалдиевдин катышуусунда өткөн селектордук жыйында “Кыргызгаз” ААКынын башчысы Тургунбек Кулмурзаев компаниянын азыркы таптагы карызы 30 миллион сом эмес, 88,5 миллион сом экенин айтты.

“Мындай сандарды ким ойлоп тапканын билбейм. Карыздын суммасы көп – 88,5 миллион сом. “Газпром” толугу менен ээлик кылганга чейин күтүү керектигин билебиз, бирок ага чейин да иштеп туруу керек” деп өкмөт башчыга кайрылды.

Премьер-министр “Кыргызгаздын” айланасындагы кырдаалдын курчтугун түшүнүп жатканын айтып, бул маселени чечүүгө көмөктөшөрүн кошумчалады.

Автор: Айпери Ганыжан кызы