Баткен облусундагы мектептердин 26 пайызында гана спорттук зал бар

Баткен облусундагы мектептердин 26 пайызында гана спорттук зал бар. Бул тууралуу 16-январдагы парламенттин жыйынында депутат Курмантай Абдиев билдирди.

Анын айтымында, облустагы көпчүлүк мектепте спорт аянтчасы каралган эмес. Учурда жергиликтүү өз алдынча башкаруу өкүлдөрү менен биргеликте спорттук аянт бөлүп берүү маселеси каралууда.

"Спортту өнүктүрүү мектеп партасынан башталышы тийиш. Эгерде мектепте бул маселеге жеткиликтүү көңүл бурулбаса, анда мамлекетте бул жааттагы өсүш болбойт",- деди Абдиев.

Автор: Аксана Паизова