Бишкек-Исфана авиакаттамы үчүн билеттердин кымбаттап кетишине баткендиктер нааразы

Бишкек-Исфана авиакаттамы үчүн билеттердин кымбаттап кетишине Баткен облусунун жашоочулары нааразы болууда. Муну бүгүн, 17-январда Жогорку Кеңештин депутаты Жусупали Исаев билдирди. Айтымында, өкмөт бул маселени тез арада чечип берүүсү керек. Исаев Баткендеги жол маселеси боюнча “Баткен облусунда эки гана жол бар. Биринчиси Көк-Таш - Ак-Сай - Тамдык, экинчиси Кулунду-Максат жолу. Эгер ушул жолдор курулуп бүтсө, калк облус борборуна тынымсыз каттоого мүмкүнчүлүк алмак”,- деди. Калктын талаптары аткарылса ички миграция да басаңдап, бийликке элдин ишеничи артмак деген ойдо депутат.

Автор: Автандил Добулбеков