УКМКнын төрагасы Камчыбек Ташиев өкмөт медицина менен билим берүү тармагынын кызматкерлеринин айлык акысын карап чыгуу боюнча программа иштеп жатканын билдирди.
Ал ошондой эле программада аталган тармактардын кызматкерлерин үй менен камсыз кылуу маселеси да бар экенин белгиледи.
"Түшүнөм, силердин айлыгыңар аз. Аны айтайын деп турасыңар, бирок айта албай жатасыңар. Ошол нерсе жүрөгүңөрдө турат. Эмдиги жылы биринчи кварталдан баштап маянаңар көтөрүлө баштайт",- деди ал кечээ, 23-октябрда Нарын шаарында төрөт бөлүмүнүн курулушунунун баштоо иш-чарасында.