Бүгүн, 6-ноябрда Ош шаарына Өзбекстандан алынып келинген 1000 даана чынар теректин көчөттөрүн отургузуу иштери башталды. Бул тууралуу калаа мэриясынын басма сөз кызматы билдирди.
Маалыматка ылайык, иш-чарага Ош шаарынын мэри Жеңишбек Токторбаев катышып, көчөт отургузууну баштап берген.
"Жаңы көчөттөр быйыл капиталдык оңдоп-түзөөдөн өткөн көчөлөрдүн жээктерине отургузулат. Бул аракеттер шаарды жашылдандыруу жана экологиялык абалды жакшыртуу максатын көздөйт", - деп билдирди мэрия.