Ольга Лаврова: 2013-жылы сот системинин транспорттук жана башка чыгымдарына 85 миллион сом сарпталды

ЖКнын Сот укуктук маселелер жана мыйзамдуулук боюнча комитетинин жыйынында каржы министри Ольга Лаврова "2013-жылы сот системинин транспорттук жана башка чыгымдарына 85 миллион сом сарпталды” деп билдирди. Анын айтымында, 2013-жылы бул тармакка 404,7 миллион сом бөлүнгөнүн жана быйыл кошумча каражат бөлүнгөнүн айтып “Сот системинде жүргүзүлүп жаткан реформаларга ылайык, системдеги чыгашаларды 2 пайызга жеткирүү керек. Бул 2,5 миллиард сомго барабар болот. Реформаны бир нече этап менен ишке ашыруу максаты эл аралык институттар менен макулдашылды”,- деди ал.

Автор: Айпери Ганыжан кызы