Ташкентте кыргыз-өзбек мамлекеттик чек ара линияларынын долбоору талкууланды

Өзбекстан менен Кыргызстандын өкмөт өкүлдөрү кыргыз-өзбек чек ара линиялары боюнча делимитация жана демаркация маселелерин талкуулашты. Жолугушуу 15-январдан 20-январга чейин Ташкен шаарында өткөн. КРнын Өзбекстандагы элчилигинин маалыматына ылайык, эки тарап кийинки жолугушууну Кыргызстанда өткөрүүнү пландашты.

Кыргызстан Өзбекстан менен 1991-жылдан бери чек араны делимитациялоо боюнча өкмөттөр аралык 8 жыйын өткөргөн. Бирок талаш-тартыш жараткан аймактар боюнча маселелер чечилбей келген. Азыркы тапта эки мамлекеттик чек ара аймагындагы 1 058 чакырым аралык делимитацияланган жана 354 чакырым жер делимитациялана элек.

Автор: Айпери Ганыжан кызы