Садыр Жапаровдун катышуусунда "Мурас" футболдук турнири башталды

Бишкек шаарында бүгүн, 13-декабрда президент Садыр Жапаровдун катышуусунда футбол боюнча "Мурас" мелдеши башталды. Ич-чаранын ачылыш аземи Кыргыз футбол союзунун Улуттук футбол академиясында өттү.

Президенттик администрация билдиргендей, мелдешке 16 команда катышууда.

Оюндар Кыргыз футбол союзунун Улуттук футбол академиясында жана “Газпром-балдарга” дене тарбия-ден соолукту чыңдоо комплексинде өтүүдө.

Турнирдин катышуучулары:

Президенттин администрациянын кызматкерлери, Министрлер кабинетинин мүчөлөрү, мамлекеттик органдардын жана ведомстволордун жетекчилери — “Президенттин командасы”;
Маданият жана искусство өкүлдөрү — “Өнөр”;
Сот бийлигинин өкүлдөрү — “Фемида”;
ЖМК өкүлдөрү жана блогерлер — “Журналисттер”;
Спорт федерацияларынын өкүлдөрү, спорт жылдыздары — “Спорт чеберлери”;
Президентинин Иш башкармалыгынын кызматкерлери — «Иш башкармасы»;
Президенттин облустардагы ыйгарым укуктуу өкүлдөрү, шаарлардын мэрлери, райондордун акимдери — “Аймактар”;
Дин өкүлдөрү — “Ыйман;
Саламаттык сактоо системасынын кызматкерлери жана медициналык мекемелердин жетекчилери — “Ден соолук”;
Билим берүү системасынын кызматкерлери жана окуу жайлардын жетекчилери — “Билим”;
Юстиция органдарынын кызматкерлери — «Юстиция»;
Улуттук коопсуздук органдарынын кызматкерлери – “Коопсуздук”;
ИИМдин укук коргоо органдарынын өкүлдөрү – “Динамо”;
Прокуратура органдарынын кызматкерлери – “Көзөмөл”;
Дипломатиялык корпустун өкүлдөрү “Элчилер”;
Кыргызстан элинин Ассамблеясы жана диаспоралардын жетекчилери — “Достук”.