Нурланбек Тургунбек уулу кайрадан Жогорку Кеңештин спикери болду

Бүгүн, 17-декабрда Жогорку Кеңештин депутаттары Нурланбек Тургунбек уулун кайрадан спикерликке шайлашты. Жашыруун добуш берүүгө жалпы 87 депутат катышты. Анын 84ү макул болсо, 3 депутат каршы болгон.

Эске салсак, Нурланбек Тургунбек уулу мурдагы чакырылышта да парламенттин төрагасы болуп кызмат кылган.

Ал 1977-жылдын 13-майында Жалал-Абад облусунун Кара-Жыгач айылында туулган. Кыргыз Республикасынын Скрябин атындагы агрардык академиясынын экономика жана агробизнес факультетин аяктаган.

2021-жылы Жогорку Кеңештин VII чакырылышына депутат болуп шайланган. 2022-жылдын 29-мартында "Ата-Журт Кыргызстан" фракциясынын жетекчиси, 5-октябрында парламенттин төрагасы болуп шайланган.

Эске салсак, бүгүн Жогорку Кеңештин 8-чакырылышынын депутаттары ант берип, ишке киришти. Иш-чарага президент Садыр Жапаров жана өкмөт мүчөлөрү катышты.