Кыргызстандыктар бир айдын ичинде мөөнөтсүз айдоочулук күбөлүктөрдү бекер алмаштыра алышат. Бул тууралуу президенттин иш башкаруучусу Каныбек Туманбаев Фейсбук баракчасына жазды.
Анын айтымында, айдоочулук күбөлүктөрдү бекер алмаштыруу ушул жылдын 15-январынан 15-февралына чейин жеткиликтүү.
"Декабрь айында айтылгандай эле, президентибиздин тапшырмасына ылайык, ушул жылдын 15-январынан 15-февралына чейин эски үлгүдөгү мөөнөтсүз айдоочулук күбөлүктөр бекер алмаштырылат. Ошондуктан убакытты өткөрбөй, азыртан барып алмаштырып алыңыздар",- деген Туманбаев.