Шашылыш билдирүү: Тоолуу аймактарда кар көчкү түшүүсү күтүлөт

Кыргызстандын тоолуу райондорунда 15-18-январга чейин күтүлүп жаткан жаан-чачынга байланыштуу кар көчкү түшүүcү жана кар күрткүсү күтүлөт. Бул тууралуу 15-январда ӨКМ кабарлады.

Маалыматка ылайык, бул күндөрү жолдор тайгак болуп муз тоңот.

Кар көчкү жана кар күрткүсү түшүүсү мүмкүн болгон аймактар:

Төө-Ашуу ашуусу,
Ала-Бел ашуусу,
Чычкан капчыгайы,
Чапчыма ашуусу,
Красная-Горка–Ак-Таш унаа жолунун 0-3 чакырымдары,
Мырзаке–Кара-Кулжа–Алайкуу унаа жолунун 65-110 чакырымдары,
Чоң-Ашуу ашуусу,
Көк-Арт ашуусу.

Өзгөчө кырдаалдар министрлиги айдоочуларга унаалардын ортосундагы 500 метр аралык кыймыл чектелиши зарылдыгын эскертет. Ошондой эле алдын ала берилген маалыматтарга көңүл буруп, сактык эрежелерин так сактоону сунуштайт.

Автор: Айжанар Рыспек кызы
Фото: интернеттен алынды