Экономика министрлиги чет элдик номурдагы унааларды кайра мыйзамдаштыруу болбостугун билдирди

Экономика министрлиги чет өлкөлөрдөн мыйзамсыз ташылып келинген унааларды экинчи жолу мыйзамдаштыруу маселеси пландалбаганын билдирди.

Министрлик легалдаштыруу былтыр 1-апрелден 30-сентябрга чейин жүргүзүлгөнүн эске салып, мыйзамсыз унааларды кайрадан мыйзамдаштыруу бардык жарандардын мыйзам алдындагы бирдейлигине каршы келерин белгиледи.

Мекеме өлкөгө мыйзамдуу киргизилген унааларга бажы төлөмдөрү төлөнгөнүн, ал эми мыйзамсыз алып киргендер салыктан качканын мисал келтирет.

Автор: Кылымбек Бейшеев
Фото: Интернеттен алынды