Бишкектеги балдар ооруканасында бөйрөк алмаштыруу боюнча бир нече операция жасоо пландалууда

Бүгүн, 22-январда журналисттер менен болгон жолугушууда Эне жана баланы коргоо улуттук борборунун директору Камчыбек Узакбаев ооруканада бөйрөк алмаштыруу боюнча кезектеги операция жасаларын маалымдады.

Анын айтымында, январь-февраль айларында бир нече адамга операция жасоо пландалган. “Бизде атайын бригада түзүлгөн. Беларустан дарыгерлерди чакырдык. Борборубуздан дарыгерлерди окутуудан өткөрдүк. Кийин биздин адистер өз алдынча операция жасап калышат”,- деди ал. Мындан сырткары борбор бөйрөк алмаштыруу боюнча 7 операцияны ийгиликтүү өткөргөнүн кошумчалады.

Автор: Айпери Ганыжан кызы