Бишкекте “2014-жылга карата тобокелдер” аттуу тегерек стол өтүүдө

Бүгүн, 22-январда Коомдук саясат институтунда “2014-жылга карата тобокелдер” аттуу тегерек стол өтүүдө. Анда жергиликтүү өз алдынча башкарууну өнүктүрүү боюнча агенттиктин өкүлү Алексей Красин мамлекеттик башкаруу тармагындагы реформалоого муктаж болгон системдерди айтып өттү. Анын айтымында, аймактардагы кадрлар маселеси орчундуу маселелердин бири болуп эсептелет. Кадрлар маселеси Бишкек шаарына да тиешелүү.

2014-жылга карата тобокелчиликтерге токтолуп, алардын катарына мамлекеттик тил маселеси да бар экенин кошумчалап өттү. Тил маселесин башкаруу системине ылайыктап иштелип чыгышы керектигин билдирип бул жылдагы олуттуу тобокелдердин катарына коррупцияга каршы күрөшүү маселесин айтты. “Коррупцияга каршы күрөшүү бардык адамдарга тиешелүү болушу керек. Президенттин коррупцияны жоюудагы кадамдары жакшы жыйынтык берет деп айтуу кыйын”,- деди ал.

Автор: Айпери Ганыжан кызы