Хиллари Клинтон Трампты Эпштейн иши боюнча суракка чакырууну сунуштады

26-февралда АКШнын мурдагы мамлекеттик катчысы Хиллари Клинтон Конгресстин өкүлдөр палатасынын көзөмөл комитетине президент Дональд Трампты финансист Жеффри Эпштейндин иши боюнча суракка чакырууга үндөдү.

Клинтондун айтымында, палата Эпштейндин адам сатуу кылмыштары боюнча чындыкты билгиси келсе, ФБРдин сурак материалдарын да иликтеши керек. Ал материалдарда жабырлануучулардын бири Трампты оор кылмыштарга айыптаганы айтылууда.

Ошол эле күнү Клинтон өзү Эпштейндин кылмыштары тууралуу маалыматы болбогонун, анын объекттерине барбаганын жана аны менен жолукпаганын билдирди.

Автор: Замира Ниязбекова