Жо Байден узак убакыттан бери биринчи жолу тарапташтары менен жолугушат

АКШнын мурдагы президенти Жо Байден Түштүк Каролина штатында эл менен жолугушуу өткөрүүгө даярданып жатканы айтылды. Бул тууралуу иш-чаранын уюштуруучулары маалымдагынын чет элдик басылмалар жазышты.

Уюштуруучулардын айтымында, иш-чарада мамлекеттик кызматтагы мурасы тууралуу баяндалат. Учурда мурдагы лидер менен жолугушууга билеттер 125 доллардан сатылууда.

Байден кызматтан кеткенден бери эл алдында сейрек билдирүү жасап калган. Бул жолугушуу көп убакыттан берки биринчи жолу эл алдына чыгуусу болмокчу.

Автор: Бурул Турусбекова