Африкалык бийчи балдар бул жолу "Дык-Кын-Дыш" трендин аткарды (видео)

Moriox Kids тобунун жаш таланттары бул жолу "Ak Orgo City" командасынын "Дык-Кын-Дыш" ырына бийлеп, трендди аткарышты. Мындай видео аталган топтун социалдык тармактагы баракчасына жарыяланган.

Анда бийчи балдар кыргыз маданиятын дүйнөгө таанытууну көздөй тургандыктарын билдиришкен.

"Кыргызстанды сүйгөндөр, кыргыз музыкасын дүйнөгө жайылтуу үчүн бизге кошулуңуздар",- деп билдирүү калтырган аталган бий тобу.

Белгилей кетсек, Moriox Kids - Руанданын баш калаасы Кигалиден чыккан бийчилер тобу. Топ ар кандай бийлерди аткарып, социалдык тармактарга видео жарыялап, дүйнө жүзү боюнча аудиториянын көңүлүн өзүнө буруп келет.