Ирандагы мектепке жасалган соккудан каза тапкандардын саны 171ге жетти

Ирандын түштүгүндөгү башталгыч мектепке жасалган чабуулдардан курмандыктардын саны 171 адамга жетти. Бул тууралуу өлкөнүн тышкы иштер министри билдиргендигин чет элдик басылмалар жазышты.

Маалыматка ылайык, соккулар АКШ жана Израил тарабынан жасалган. Көпчүлүк жабыркагандар мектеп окуучулары жана кызматкерлери. Азыркы учурда жабыркагандарга медициналык жардам көрсөтүлүп, окуянын себептери жана чоо-жайы териштирилип жатат.

Бул окуя эл аралык коомчулуктун да олуттуу көңүлүн бурду, кырдаалдын кесепеттерин азайтуу жана жабыркагандарга жардам көрсөтүү боюнча чаралар көрүлүүдө.

Автор: Айзада Кыдырмышева